Xoán Neira: Farrapos de nube
Ilustracións de Ánxeles Ferrer
Col. Xiz de Cor, 12. Ed. Baía. A Coruña, 2007

As raiolas, o río, o mar, a chuvia, a neve, a néboa, a natureza, a praia, a praza, os farois, os globos, os cabalos, o avó e a paz son os temas destes conxunto de catorce poemas. Presentados en formas tradicionais, en xeral con regularidade métrica e versos de arte menor, paralelismos e anáforas, co seu xogo metafórico sinxelo e a linguaxe asequible ofrecen unha atinada proposta lírica para o lectorado novo.
Sen que falte a musicalidade dos versos, que se desenvolve nun espazo melancólico que en moitos poemas adquire carácter conclusivo.
Edición en formato álbum con ilustracións a cores e a toda páxina.