Un conto con rima para que cadaquén o faga ó seu xeito.
Na páxina da esquerda aparece unha frase que se completa cos debuxos e palabras da páxina dereita, pero sempre se dan tres opcións para que nós elixamos unha; desa maneira iremos construíndo a nosa historia, porque... Don Martiño pode ser carteiro, enfermeiro ou cociñeiro; pode ter cara de mexillón, león ou dragón; tocar o violín, flautín ou cornetín...
Os textos de Loli Rial compleméntanse coas ilustracións de Pepe Carreiro. Non só os debuxos son a toda cor senón que tamén as páxinas van do amarelo ó negro.