Nesta adaptación do conto popular cóntasenos que Xián e maila súa mai eran tan pobres que tiñan que vender a vaca. Camiño da feira, un vello cambioulla por un saco de cinco fabas, que ao día seguinte se converteron en plantas enormes. Gabeando Xián por elas chegou ao castelo do xigante Patadón e rouboulle unha bolsa de moedas de ouro mentres durmía. Durante un tempo non pasaron fame, pero logo houbo de volver subir: pilloulle a galiña dos ovos de ouro e doutra vez a arpa máxica, que avisou a Patadón. Perseguiuno este pola planta abaixo, acabando espetado no chan.
Deste xeito Xián e súa mai viviron felices o resto dos días.