Conta a narradora infantil da súa bisavoa, que veste os pantalóns pola cabeza como se fosen un abrigo, que pregunta pola muller que ve no espello cando se mira nel, que fai sopa con xabón e lava os pratos con chourizo, que se perde, asustada, na cociña. E cando mamá entra pola porta considéraa unha intrusa e mesmo quere botar a papá, seu neto.
Pero en cada unha das situacións a nena dálle un bico agarimoso e a avoa sorrille dicindo "¡Ah, es ti!". "Porque a bisavoa sabe que eu son eu".
Colección para primeiros lectores con ilustracións a cores e a toda páxina na que o texto se reproduce en letra manuscrita e mais en maiúscula.