Preséntase cada un dos dedos na súa denominación popular en forma rimada. Adáptase e ilústrase a canción da tradición oral coa que se lles ensina aos máis cativos a coñecer os nomes dos dedos das mans.
É o primeiro número dunha colección de libros-xoguete con doce páxinas en cartoné, sinxelas ilustracións a cores a toda páxina e texto mínimo. Son "libros con furadiños para enredar cos dediños" de reducido tamaño, para idades a partir de dous anos.