A tranquilidade do cuarto, onde dormen os dous irmáns placidamente, vese alterada cando o rapaz esperta asustado. Esta noite sente que anda o medo polo cuarto, polo que acorda a irmá. Ela, decidida, pregúntalle ao medo se ten medo: ¡resulta que o medo ten medo! Botan a rir os dous e, despedíndose do medo para sempre, seguen o seu durmir na noite estrelecida.
O texto mínimo, unha liña só con letra caligráfica, baséase na constante presencia da palabra "medo". As ilustracións a toda páxina, sinxelas e expresivas, permiten unha lectura visual rápida polos máis cativos.