Alma, a cadeliña bonita e inqueda, intenta xogar cos nenos no solpor, pero como non lle fan caso colle camiño, triste.
Na compaña dun pardal anda e anda ata cansar e renderse ao poder do sono á noite, lonxe da casa.
Acorda ao abrente desnortada e soa. Camiña de volta, onda a súa familia, onde sabe que a agarda tamén un "tirón de orellas".
Escrito en versos sabios e fermosos, as extraordinarias ilustracións completan un libro francamente recomendable.