Xan e Perillán eran dous irmáns corcovados. O máis novo decidiu marchar polo mundo probar fortuna. Ao chegar ao bosque tivo medo do sacaúntos e subiuse a unha árbore. Pasaron unhas velliñas repetindo compasadamente "sábado-domingo". "E luns" engadiu el, polo que o mandaron baixar e, en agradecemento, serrarónlle a corcova cunha serra de manteiga. Ao volver e explicarllo ao irmán, fixo este o mesmo, pero en vez de luns díxolles martes. E elas, por facerlles romper o ritmo, puxéronlle un chepón engadíndolle a corcova do irmán.
Esta espléndida edición do conto popular adaptado contén unhas orixinais ilustracións.