Don Plutonio, un home moi rico porque tiña unha variña máxica, decidiu un día converter o xornal nun ogro de papel para divertirse asustando aos veciños de Vilapequena. Ao que o viron, fuxiron correndo os xornais, a dona do quiosco, o garda municipal, o alcalde e os cregos. Non quedou ninguén na vila. Agás don Plutonio Veleno, todo ledo, ata que o ogro se enfadou e tamén o escorrentou a el. Entón paseou fachendoso por Vilapequena.
Resultou que aínda quedaba o vello Florencio, o coleccionista de chuvias de cores, que en canto o viu botou a correr. Mais cando o Don Ogro o perseguía, ocorréuselle abrir a maleta e botarlle enriba a súa fermosa colección de chuvias. Coa súa humidade, desfixeron o papel do que estaba feito o ogro e deixárono reducido a uns anacos de xornal aboiando nos sumidoiros.
Entón puideron volver todos os habitantes de Vilapequena, que desde aquela sempre axudaron a Florencio. O único que non quedou contento foi, iso si, don Plutonio.