Belisario era un feroz dinosaurio, enorme e mandón, que vestía de militar. Sempre estaba a bruar, botando lume pola boca coma un dragón. Todos no mundo animal fuxían del, aterrados, polo que non tiña con quen xogar á oca, ao parchís ou con barcos de papel. Aburrido e só, un día decidiu prohibir os xogos: quen ousase desobedecer a súa orde perdería a cabeza. Non contento con isto, atou os rabos dos gatos, prendeulle lume ao mar, obrigou os paxaros a calzar zapatos para que non puidesen voar, pegou os peixes con cola, meteu os paxaros en ascensores e encerrou os gatos en maletas sen buratos.
Foi entón cando un millón de nenos fóronlle protestar en manifestación; ao velos, Belisario, asustado, quedou en coiros, sen poder nin uniforme. Desde aquela vive pechado nun armario e os animais poden xogar, libres.
Historia en verso esplendidamente ilustrada e editada.