Como fai bo tempo, a familia de ratiños saíu pasear polo monte. Miraron as flores e as bolboretas, saudaron a toupa e os escarabellos, falaron coa pega, xogaron co coello, comeron piñóns e amorotes, viron un niño de carriciños e visitaron a Andrés, o curmán granxeiro que ten a casa dentro dun palleiro. E á volta escoitaron os mouchos na noite.
Con texto mínimo rimado e sinxelas ilustracións a toda páxina e a cores, péchase o libro, como todos os da colección, coa fórmula "Luísa, Roxelio / e mais os ratiños / esperan que vos gusten / estes seus contiños / ¡Abur!".