Conxunto de poemas agrupados en tres partes. A primeira, "Para facer", contén oito textos sobre as diferentes partes do corpo e xogos de imitar e moverse. A segunda, "Para dicir", componse de catro, tematicamente referidos a obxectos cotiáns como a pelota ou a elementos da natureza (a auga, a nube e o sol). Na terceira, "Para pensar", figura un poema máis extenso sobre a nova escola galega, que terá de estar chea de vida e cor.
Todos eles, en verso breve e con ritmo moi marcado, tenden á oralidade e á expresión corporal propia das primeiras idades, con estructuras repetitivas e sonoras que aportan unha grande musicalidade.