O lobo saíu cazar convencido de que ía ser un día de sorte. Primeiro, desprezouno un oso pensando que lle había sobrar a carne. Encontrou logo un burro, que lle pediu que lle tirase as ferraduras antes de comelo para evitar problemas co amo: cando o intentou, o burro deulle con elas nos dentes e liscou. Ante unha cocha cos seus ranchiños, que ela quería deixar bautizados, púxose no rodicio do muíño e alí quedou dando voltas mentres a cocha se escapuliu.
Falando un día co raposo, o lobo quixo saber se o home era máis forte ca el. Alá foron á procura de un. Atoparon un neno: seica aínda ha ser home; logo, un vello: xa o fora; un cazador, que lle disparou e liscou Pedro laiándose de se ter enfrontado a un home enfermo que case o axorda cun espirro; por último, un ferreiro queimoulle o fociño coas tenaces.
Adaptación dun conto popular das terras luguesas recompilado tamén polos irmáns Grimm, cun orixinal deseño que combina fotografías curiosas con ilustracións.