Preséntase a caixa das cores da vida, que están presentes no arco da vella e nas formas das cousas do ceo e da terra. Aparecen así en ilustracións moi directas:
O amarelo do trigo e o sol, o azul do ceo e a auga do mar, a cor verde dos piñeiros, a vermella das papoulas e o sangue das veas, o branco da neve, o marrón do chocolate, o rosa, o violeta ou a cor cinsenta do trebón que ameaza na noite negra. Entón é hora de durmir e pechar as cores na caixa, non vaia ser que o trasno ande rondando.
Texto en verso áxil con ilustracións a toda páxina.