Partindo dun motivo mínimo (unha ave tan pequena que aínda non voa -e ten que andar con zancos porque queimou os pés coa area- achégase un día a ver as ondas do mar...) desenvólvese unha historia que o lector cativo irá descubrindo por si mesmo a partir das ilustracións minimalistas.
A orixinal concepción, moi limpa e atractiva, permite unha sinxela lectura visual para as primeiras idades e deixa un espacio aberto para a imaxinación e a creatividade.
O lector pode así, doadamente, construír a historia e amplificala desde a súa intervención visual.