Antón Cortizas: Contín contón
Ilustracións de Leandro Lamas
Col. Fardel dos soños. Edicións Embora. Ferrol, 2009

Era unha vez un animaliño de rabo peludo. Tiña dúas patiñas pequerrechas coas que agarraba noces e landras e movíase polas árbores veloz como un raio. Un día subiuse a un piñeiro máxico que daba unhas pinas que facían esquecer algunha cousa a quen as comía. Comeu unha el e xa non soubo quen era. Preguntoulle ao lobo, ao corvo e ao sapo, pero ningún deles lle dixo quen era, malia que o sabían, para que o conto non rematase. Ata que saíndo da fraga subiu a un piñeiro e chegou á xanela dunha escola. Os nenos, ao velo, admiraron felices o esquío. E como el xa soubo quen é, o conto pode rematar.
Álbum rebordante de cor, subliñando a mirada amable e lúdica sobre os animais.