Neste episodio da serie, os tres amigos van dar unha volta polo faro da Estaca de Bares e na illa Coelleira ven a tres "macarras" con "chupas" e motos acuáticas. Atópanos no porto do Barqueiro e paseando con eles pola praia de Cariño cóntanlles que están por alí co obxectivo de atopar a un compañeiro que se desprazou desde Ortegal douscentos anos no futuro. Deciden continuar a busca cos novos amigos. Ensínanlle unha foto ao fareiro do faro Ortegal, que di telo visto pola zona. Buscan en Ortigueira, no Castro dos Prados, co seu forno de pedra, e por fin dan con el no dique do porto de Bares. Di que non desapareceu, senón que lle gusta tanto a comarca que non quere marchar de alí. Con el como guía, coñecen entón as Grañas da Serra da Faladoira e camiño de San Andrés de Teixido descobren a fermosa panorámica da ría. E marchan todos contentos, agás Ulises, que se atopaba por certo moi a gusto coa cadela Penélope.
A edición combina a fotografía dos espacios coa ilustración, na que eles son protagonistas.