Velaquí un conto con tesouro e todo. O rapaz máis traste da aldea de Agras, o cura, un cego e mais un preso fuxido da illa de San Simón compoñen a tripulación entusiasta do Mascato. Neste conto as bolboretas falan e revelan o lugar no que se atopa o ouro dos galeóns de Rande. Todo vai cambiar para os intrépidos que se aventuran mar adiante seguindo as instruccións do mapa: "Para quen me colla". Este estaba debuxado nunha cartolina que casualmente atopara o neno a quen a xente de Agras chamaba Corcón, como ás crías dos muxos.