Nunha casa da montaña vivía Pimpín, un coello valente e viaxeiro que un día quixo ir á beiramar para ver os mazaricos petiscar na lama procurando manxares, os longueiróns durmiñando debaixo da area, as gaivotas nugallás planando sobre o peirao e os mascatos planando, as morenas vivindo ao abrigo das pedras, o desconfiado polbo entre as fendas das pedras, os chocos botando a tinta por un sifón poñendo a auga perdida, as medusas como globos de aire e encaixes, os golfiños xogando coas ondas, os acios dos mexillóns presos ás rochas, mulleres e homes peneirando a area á busca de marisco... e centos de peixes.
Todos son animais que viven do mar e son os nosos amigos, que aparecen con toda a súa expresividade retratados a toda páxina.