Hoxe chove a mares por iso os ratos para ir á escola vanse ter que mollar. Aínda que un vai co chuvasqueiro, outro con paraugas e o máis pequeno con botas e zamarra, chegaron bastante enchoupados. Ao pé do radiador logo secaron. Ao sair da escola pillaron un escampo, pero xogando nas pozas molláronse de novo e chegaron á casa sucios e pingando. E por cousa das molladuras agora están na cama cheos de calentura.
Con texto mínimo rimado e sinxelas ilustracións a toda páxina e a cores, péchase o conto, como todos os da colección, coa fórmula "Luísa, Roxelio / e mais os ratiños / esperan que vos gusten / estes seus contiños / ¡Abur!".