O ourizo Chucho Cacho conta en primeira persoa a historia da súa vida. Nacido entre ramallos á beira dunha estrada e orfo desde moi noviño, Chucho Cacho é recollido por un neno chamado Alberte que o leva canda el. Desde ese momento, o horteiro da casa de Alberte convértese na vivenda de Chucho Cacho, que goza coa descuberta dun mundo novo para el. Un día, o pai de Alberte tráelle ó ourizo unha compañeira para que non se tan sinta só. Entre os dous animais establécese axiña unha estreita relación
As ilustracións en cor constitúen a base desta obra e serven de complemento a un breve texto que pretende fomentar entre os lectores máis novos o respecto pola natureza, ó tempo que os introduce no coñecemento do ciclo vital dos animais.

A nosa literatura infantil e xuvenil 1994
Gálix (Asociación Galega do Libro Infantil e Xuvenil), Biblioteca Pública Municipal de Narón. Coordinación: Blanca-Ana Roig Rechou.
Xunta de Galicia - Consellería de Cultura - Dirección Xeral de Cultura. Col. Guías culturais, 7. 1996