No alto dunha montaña vivían un chibo chibón pequeno, con chiba pequerrecha e cornos moi curtiños; outro mediano, con chiba nin grande nin pequena e cornos nin curtos nin longos; e un terceiro grande, de chiba grandona e cornos longos e revirados. Un día quixeron comer unha herba moi verde que medraba na outra beira do río, ao outro lado da ponte que protexía un trasno malvado e feo. Como vixiaba día e noite para que non pasase ninguén, decidiron enganalo: primeiro o pequeno e despois o mediano, conseguiron cruzar a ponte anunciándolle ao trasno que o seguinte tería máis que comer; logo, o chibo chibón grande deulle unha escornada tal que mandou o trasno por enriba do río. Así, os tres puideron comer moita herba e convertéronse en tres chibos chibóns ¡enormes!.
Adaptación a partir do conto popular en formato álbum.