No bosque vivía unha familia de porcos. Os cativos, Chancha e Chencho, sempre andaban metidos en leas. Un día chegou un novo veciño, o lobo Casiano. Eles dous foron ata a súa casa para axexalo e informarse das súas intencións. Descubriron que andaba a preparar un pastel de chocolate, botándolle uns pos brancos sospeitosos que seguramente eran veleno. Para comprobalo, Chancha foi entretelo, presentándose educadamente ao novo veciño. Mentres Chencho foi roubar o pastel. Aínda que unha vez na cociña non resistiu a tentación de probalo e... acabalo.
Pero non lle pasou nada porque os pos eran unha maicena especial: o lobo preparara o pastel para compensar que un parente seu había moito tempo derrubara cos seus sopridos as casas dos devanceiros dos porcos.