Érase unha vez un burro vello que cando as forzas non lle respondían comezou a ser maltratado polo seu amo. Decidiu entón que o seu futuro estaba en tocar na banda municipal da cidade e alá marchou. Polo camiño, uníronselle un can, un gato e un galo, vellos tamén sen folgos e desprezados polos amos. Pillounos a noite no bosque e cando ían durmir a ceo aberto viron unha casa. Estaba ocupada por ladróns a darse unha enchente. Escorrentáronos, irrompendo por sorpresa, e deron boa conta da comida. Logo, confundíndoos aproveitando a escuridade, fixéronos fuxir definitivamente.
E na casa do bosque viven, esquecida xa a cidade.