Noutrora, cando as árbores e todas as cousas eran máis pequenas, vivían todos en liberdade. Agás as galiñas, que estaban dominadas polo galo don Pío.
Un día, unha galiña nova e branca, Pombapitiña, voou ao pao máis alto do galiñeiro e don Pío non parou ata que, coa axuda das outras galiñas, se fixo coas ás da intrépida voadora.
Foi entón cando as cousas medraron. O galo acadou o tellado e nel quedou, convertido en ferro, aínda que de cando en vez deixa caer bágoas, que o abade garda nas follas das roseiras para que as beban os paxariños cando sequen as fontes.