Un leñador abandona os fillos, Hänsel e Gretel, no bosque, por non ter con qué mantelos, segundo idea da súa muller e madrastra deles. Pero conseguen volver sós seguindo as pedriñas que ciscaran no camiño. Vólveos levar e cómelles un paxaro as migallas de pan que foran deixando polo que, perdidos, dan nunha casiña de chocolate: o engado dunha vella bruxa para atraer nenos e comelos. Logo de alimentalo ben, disponse a cociñar ao rapaz pero a irmá é máis aguda que a bruxa e bótaa ao forno. Como na casa había moitas pedras preciosas, lévanllas ao pai e foron os tres felices, morta xa a madrastra.
Adaptación do texto clásico os irmáns Grimm nun álbum a toda cor cunha concepción tipográfica espléndida.