Nesta adaptación dun conto popular italiano cóntase que unha nai tiña unha filla e unha fillastra. A esta mandábaa traballar diario. Un día tiña que traer leituga e, ao non a atopar, arrincou unha col, que deixou un enorme burato con escaleiras. Baixou por elas. Levaban á casa de tres gatos, que estaban moi atarefados. Axudoulles nos seus labores, polo que a mai gata premiouna cun vestido, zapatos, aneis e unha estrela na fronte. Estaba fermosísima.
Ao vela, a madrasta, mandou a filla para que conseguise outro tanto, pero, preguiceira como era, en vez de axudar aos gatos, molestounos, polo que a gata castigouna a levar farrapos por vestido e vermes por aneis. Así, tivo que liscar coa súa nai ao país de ningures e a fillastra quedou a vivir, feliz, no marabilloso mundo dos soños e os contos.