Di o avó que a quen se muda alguén lle axuda. Así lles ocorreu, conta, ao grilo e á chicharra, cando quixeron mudar de casa para ter máis espacio onde tocar: o solar púxoo a miñoca, as formigas construírona, a couza fixo a porta, o ferrollo colocouno o piollo, de luz fixo a lucerna -a quen asentou no alto o saltón-, encerou o piso a abella e lustrouno o cempés, a cortina teceuna a araña e pendurouna a bolboreta, pintou o enreixado a mosca e adornouno con lunares a xoaniña.
Inaugurárona cunha festa, na que a chicharra cantou e o grilo tocou, que repiten cada ano: convocan a bicharada cantando para celebrar que teñen casa nova.