Esta adaptación a partir do conto popular ruso conta dunha mosca chosca que, farta de zoar dun sitio para outro, decidiu construír unha casa. Unha vez rematada, para inaugurar o seu fogar preparou unha torta de amora e colocou sete banquetas e sete pratos. Como o recendo da torta se espallou polo bosque, axiña lle petaron na porta, atraídos por el, o escaravello revello, o morcego chairego, o sapo castrapo, a moucha repoucha, a raposa chistosa e o lobicán pillabán.
Pero cando crían que por fin podían comezar a merendar, sen interrupcións, irrompeu o oso larpeiro, disposto a papar de contado pastel tan prezado.