O protagonista do libro é un artesán vidreiro que modela frascos artísticos para perfumes ante o pasmo de todos os nenos amigos. Home solitario e despistado, ocórreselle a solución para atopar todas as cousas da casa: facer moblaxe transparente.
Logo, decide disfrutar a noite poñendo tellas de vidro. E como as pedras lle parecen tristes, fai tamén as paredes de vidro e mesmo os camiños. Os veciños vano axexar abraiados pola súa casa tan transparente que nada agacha e afastan os nenos de alí.
Entón apodérase del a tristeza, e pouco a pouco vaise convertendo el tamén en vidro. Un día cae e o seu corpo marcha en perlas brillantes de orballo polos camiños e as prazas, como un rapaciño con zapatos de vidro.
O texto, tan fermoso, comparte unhas extraordinariamente elaboradas ilustracións.