O protagonista recibe o 17 de maio un agasallo sorprendente: unha bolsa de caramelos co nome de Martín Códax e mais o título dunha cantiga no exterior. Seica é un detalle do concello para celebrar a efeméride. Descobre logo abraiado que a xente recita cantigas do célebre xograr e teoriza sobre a súa vida unha vez que os proba. Mesmo se intercambian os diferentes sabores-cantigas. Ollando a ría, tamén a el lle sae "Ondas do mar de Vigo..." cando supera o escepticismo e proba os seus caramelos.
Espléndida edición conmemorativa con estoxo e dous libros máis de homenaxe a xograres.