Menda aparentaba ser unha avoa pero non o era, porque nunca tivera netos. Como vivía soa, para pasar o tempo apuntouse nun cursiño de bruxa. Quería ser unha bruxa boa.
A primeira profesora que lle veu á casa, a bruxa Apática, tróuxolle unha vasoira supersónica, que ela non deu dominado e liscou voando. Presentouse logo Afónica, que lle deu a escoller mascota. Decidiuse por un robot, ao que lle encomendou a misión de recuperar a vasoira. A terceira bruxa, Apócema, pretende converter en rato leirón a unha nena de sete anos amiga de Menda. Pero esta interponse e colle a aparencia dunha rata enorme. Para romper o maleficio viaxan ao país das bruxas, onde logran recuperar a súa forma humana e mesmo liberar a milleiros de nenos, que as bruxas converteran en ratos.