Os imáns Bolechas van merendar de hamburguesería. Póñense á cola e encargan cadansúa hamburguesa: a Sonia encántanlle con queixo, Pili pide unha con espárragos, Carlos unha completa con leituga e tomate e bótalle mostaza porque lle gustan as cousas picantes, Tatá vai comer patacas fritas. Pero aparece un pequeno problema: Braulio pediu unha peituga de polo e cando se pon a remexer o ketchup para botarllo á peituga, císcao polo aire: está emporcando todo. A amiga Carol achégase a saudalos e pousa os brazos sen querer no bote de mostaza: agora tamén vai a mostaza polo aire. Isto é unha porcallada. Ao que rematan a merenda, botan o lixo no contedor. Para Chispa, que non puidera entrar por ser un can, gardoulle Carlos un cacho de hamburguesa.
E Carol despídese ofrecéndolles un quitamanchas que ten na casa.