Os irmáns Bolechas van pasar o día ao parque de atraccións. Montan todos na montaña rusa, agás Tatá, porque é demasiado pequeno, e Chispa, pois os cans non poden ir nela. Como é tan empinada e dá tantas voltas, Braulio mareouse. Entran despois na casa do terror, chea de monstros e morcegos que parecen de veras, e Loli papa un bo medo. Soben logo aos coches de choque, onde se alían contra un neno que bate con todos. E finalmente levan a Tatá nos coches... para bebés.
Moi ben o pasaron!