Os Bolechas están a explorar o río Lérez en Pontevedra e atópanse con Xiana, a dona de Gluglú, o peixe que rescataran no mar de Lira. Ao pasaren pola pasarela Glugú salta do acuario e bótase ao río. De súpeto un corvo mariño érguese da auga co peixiño no peteiro. Montan nunha lancha por ver de pillalo. O corvo, ao chegar á ponte dos tirantes, enguedéllase nestes e Gluglú cae outra vez ao río. Pili, Loli e mais Braulio bótanse á auga para rescatalo. O río está cheo de salmóns. Cando o van rescatar, tres lampreas bótanse contra o peixe e os tres irmáns, como lles teñen medo a esas "cobras" do río, soben á lancha. Ao pasar polos arcos da ponte do Burgo, un reo veterano papa a carnada dun pescador sen se ferir slavando así a Gluglú, que coa súa inocencia había picar. O perigo logo está en que chegue ao mar, pois el non pode vivir na auga salgada xa que é un peixe de auga doce. Carlos e Braulio métense na auga para impedilo
Até que Carlos empeza a rir por algo que non para de bulir facéndolle cóxegas: o peixiño, que se agochara na camiseta cando el se botou á auga. Xa poden volver todos para a casa contentos.