Carlos é o primeiro dos irmáns Bolechas en erguerse. Cando está a lavar os dentes, aparece Braulio no cuarto de baño, que se pon a facer gargarexos para enxaguar a gorxa e bótalle sen querer un xorro a Carlos, quen lle devolve un chafariz coa auga da billa do lavabo que bate na cara de Pili, quen lle contesta cun xorro da ducha, que lle dá a Sonia nos fuciños. Entón entra Loli e recibe na cara o xorro de Pili e o vasazo de enxaguar a boca de Sonia, ao que Loli responde abrindo as billas da bañeira. Están todos pingando e o cuarto de baño sulagado, polo que cómpre secalo.
Visto o panorama, Chispa non entra porque non é amigo da auga. ¡Pero Tatá tamén quere xogar e pretende botarlles auga do váter cun vaso!