Os Bolechas están a durmir. De pronto, Carlos érguese e vai facer pis. Tamén Sonia e Braulio, pero estes dous teñen que agardar pois o cuarto de baño está ocupado. Aparecen tamén Loli e Pili: hai cola. Como hai tantos mirando, a Carlos non lle sae o pis e pecha a porta para mexar tranquilo. Tócalle a Sonia, pero Braulio non dá resistido e molla un pouco o calzón. Vén Chispa, que se pon a mexar no corredor, en vez de facelo no parque. Pili e Loli fan pis xuntas, porque son xemelgas. Xa mexaron todos. Poden durmir tranquilos.
¡Un momento! Tatá rompe a chorar: ¡fixo pis na cama e quere que o sequen!