Os Bolechas e Silvestre van visitar as fragas do río Eume. Alí coñecen algúns animais: a estreliña riscada, o paxaro máis pequeno da nosa fauna; os gatos bravos, semellantes aos da casa pero con raias negras e o rabo grande e peludo; o miñato, a ave rapaz que máis abunda en Galicia; a confiada e curiosa donicela; o cárabo nas súas augas limpas; a característica píntega rabilonga ou a vistosa bolboreta tornasolada. Algúns deles están en perigo de extinción.
Alternan as páxinas con unha liña de texto e ilustración sobre un fondo fotográfico, coas que reproducen a imaxe do animal comentado, sen colorear, para que os primeiros lectores a iluminen con lapis de cores.