Os Bolechas van ir de pesca. O avó merca unha lata de miñocas para os peixes, que teñen que colocar na punta do anzó. El pesca con cana e eles con sedela. A que se arma: as sedelas enguedéllanse e eles tiran para os lados. O avó pescou o que parece un muxe. Nunha sedela algo gordo picou: un farrapo vello que estaban no fondo do mar. O avó pescou outro peixe: un ollomol pequeno. E Loli, por fin, unha maragota, que move a cola pois quere volver ao mar. Loli vólvea á auga.
¡A pesca dá moita pena! É mellor mercar o peixe na praza.