Os Bolechas perderon o can no parque. Uns chaman por el, Carlos asubía cos dedos na boca..., pero Chispa non volve. Seguen as súas pegadas, que desaparecen entre a herba. Loli pega un cartel coa cara do can e o número de teléfono, por se alguén o atopa. Xa é noite. Volven á casa, preocupados por el: como nunca durmira fóra, había estar pasando fame e sede... De pronto, óense ladridos na rúa: é Chispa, que fora de troula cos cans sen dono.
Xa está na casa de novo, pero, ¡puaf!, cheira como un can da rúa.