Os Bolechas, para saber como traballan os mariñeiros, van ao porto de Lira, onda Pepe e o seu neto Pepiño. Aprenden a pescar con nasa e mesmo collen un polbo, que traen a vender á lonxa. Pepe lévaos á caseta onde garda os aparellos de pesca, e explícalles para que serven. De pronto, o fareiro Nemo enxerga un iate que está a naufragar e avisa a Pepe: soben todos á lancha del para ir rescatalo. No iate están unha muller e unha rapaza, moi triste porque o seu peixe quedou nun acuario dentro do barco, e é de auga doce! Mergúllase Braulio, mais non lle queda aire nos pulmóns para chegar a traelo; bótanse logo Pili, Loli e Pepiño, mais aínda que o ven teñen que volver á lancha abafados. Ante o asombro de todos, o vello mariñeiro é quen logra rescatalo.
De volta, na lonxa, pensan mesmo en vender o polbo para Xapón por internet. Porque agora xa se pode facer.