Paseando, os Bolechas atopan a amiga Marta, que saúda a Carlos cun bico. Este queda emocionado, co corpo como un flan, ¡porque é o seu noivo! Fito e Sito, os xemelgos, bican as súas amigas Pili e Loli, e elas senten calafríos, atordadas: ¡están namoradas! Montserrat bótalle un bico a Braulio polo aire, deixándoo apampado, co corpo como unha crema catalana. ¡Outro namorado! Sonia non entende nada e embóbase con Amadeo, que toca a guitarra e canta; cando este lle toca as mans e a súa cadela Bolboreta ulisca a Chispa, a cadela e Sonia, embobadas, senten cóxegas na barriga. ¡Todos os Bolechas están namorados!
Menos Tatá, como é pequeno... Aínda que achuchou a moneca e quedou aparrulado: ¡tamén está namorado dunha noiva loira!