Pepe Carreiro: Por Monforte en locomotora
Ilustracións de Pepe Carreiro
Col. Os Bolechas van de viaxe. Eds. A Nosa Terra. Vigo, 2006

Os Bolechas chegan a Monforte de Lemos en locomotora. Agárdaos o amigo Xosé co avó, que é o xefe da estación. O bisavó, xubilado que non oe ben e tamén foi maquinista, amañou unha locomotora vella, a súa Mikadiña, con rodas de camión para poder andar polas rúas. Lévaos nela de paseo. A xente e as cigoñas afástanse ao seu paso porque vai sen control, pois o "bisa" coa calor do fogón adormeceu e non hai maneira de espertalo. Mándanlle unha mensaxe ao avó por Chispa. Dende a torre do castelo, observa que van polo camiño de ferro cando está a punto de chegar o comboio de Barcelona, o Catalán. Chocarán con el se non saen da vía. Axudado polo pai de Xosé, para o Catalán e cambia as agullas para que non choquen. Entón, por fin o avó esperta e detén a máquina. E así remata o paseo.
Despois de cear, os Bolechas e a familia de ferroviarios póñense a xogar co comboio. Pero co de xoguete.