Os irmáns Bolechas van a Cangas a pasar uns días coa súa amiga Caetana, que ten un bulldog de nome Wellington. Unha amiga dela, Patri, ten un dálmata, Luca, que gañou o concurso de beleza de cadelas: é Miss Cangas. Adéstraa para que estea esvelta, porque a vai presentar ao concurso de Miss Mundo en Londres. Marchan ao día seguinte, pero esquecen a cadela na súa maleta de equipaxe cando montan na lancha para subir ao cruceiro. O pai de Caetana lévaos no seu barco de pesca intentando dar alcance ao cruceiro, mais corre tanto que non hai xeito de alcanzalo. Regresan a terra e desde un cabo xunto ao cal pasa o cruceiro, avisan a Patri e a súa nai, que están a tomar o sol na cuberta. Entón bótanlles a maleta con Miss Cangas dentro, pero ábrese e a cadela cae ao mar. Menos mal que un mariñeiro a rescata cun aparello de pesca. E así pode viaxar a Londres...
O vindeiro ano presentarán a Wellington e a Chispa ao concurso de Míster Mundo, comentan eles rindo.