Carlos e Pili presentan o festival da escola. Como é lóxico, trabucándose un pouco. Os da clase de Sonia empezan a actuación facendo ximnasia rítmica: hai que bater moito a cintura para que non caia o aro. Logo, toca a orquestra, cos músicos vestidos de gala. Braulio toca a frauta; outros, a pandeireta, o xilófono ou o triángulo. O grupo de teatro de Loli representa "A bela durminte do bosque": Tatá vai disfrazado de coello e Chispa fai de cabalo.
Ao que chega o descanso, todos van ao bar. ¡Vaia barullo para coller os bocadillos de queixo ou de chourizo ou as rosquillas! Continúa o festival e saen os compañeiros de Carlos facendo kárate. Carlos racha coa man un tixolo. Pili e Loli actúan no grupo de baile moderno. Loli pintou o pelo de roxo escuro. Despídense bailando unha muiñeira. Sonia e Braulio aprenderon ben os pasos.
Rematou o festival. Carlos e Pili vólvense trabucar, porque presentar non é tan doado e o normal é pórse algo nervioso.