Os Bolechas e Silvestre van ao parque do Xurés, entre Galiza e Portugal. Para andalo, móntaos Silvestre nun garrano, o cabalo mansiño típico da zona. Paseando descobren a vaca cachena, que ten os cornos en forma de lira; a aguia albela, tan escasa; un merlo rubio, que chega a Galiza en primavera desde África; as cabras bravas recuperadas logo da súa desaparición da zona; o mergullón cristado, pato que se mergulla na auga cando está en perigo; as víboras fuciñudas, que se distinguen polo corno que teñen no fuciño e moitas especies de bolboretas. Ademais, ven piñeiros silvestres e miliarios romanos, que marcaban a distancia nas calzadas. E marchan contentos polo fermoso día que disfrutaron.
Colección que introduce a ilustración dos irmáns Bolechas nunha aventura de coñecemento sobre un fondo fotográfico.