Os Bolechas e Silvestre van nun globo visitar o esteiro do Miño, no que poden ver moitos animais: a aguia peixeira, que pesca na auga; a becacina cabra, achantada na herba; a cobra de colar nova, que caza ras na auga; o rascón, que se agacha entre os carrizos; o mergo cristado, pato de peteiro moi longo. Como por momentos non dan gobernado o globo, afúndense no río e ven sábalos, lampreas e salmóns, até que finalmente dan sacado o globo da auga e marchan de regreso e satisfeitos, mentres unha curuxa das xunqueiras queda ollando para eles.
Colección que introduce a ilustración dos irmáns Bolechas nunha aventura de coñecemento sobre un fondo fotográfico.