Os Bolechas están vendo un filme de ciencia ficción no que Sonia e Pili son protagonistas. O filme faise, primeiro, escribindo a idea nun guión, que se lle presenta a unha produtora. O director busca as actrices nun cásting; neste caso, escolleu a Pili para astronauta e a Sonia para facer de extraterrestre. Teñen que aprender os papeis e ensaiar moito. Logo de buscar os lugares onde rodar, e de construír os decorados, ródanse diferentes tipos de planos por partes que despois se retocan cos efectos especiais e se montan por orde. Tamén se inclúe o son, e mesmo se pode dobrar. O cinema pode ser de moitos xéneros. Unha vez que se remata, distribúese.
Por certo, Pili e Sonia son unhas actrices fantásticas.