Chegou o circo á cidade e os Bolechas acoden á sesión infantil. Actúan a domadora romanesa cos seus simpáticos chimpancés (un vai onda Loli e asusta a Tatá), os trapecistas rusos, o asombroso mago galego que separa un corpo en dous, os domadores de Mongolia cos seus leóns e tigres, o home máis forte do mundo, un americano que ergue máis de cincocentos quilos (Carlos inténtao sen éxito, claro). E, por suposto, os pallasos coa divertida batalla de tortas.
Remata a función e Tatá está durmido. Levan un recordo: a foto que fixeron no descanso, montados todos no elefante.