Os Bolechas van de viaxe en caravana. É como ir nunha casa portátil. Ten de todo: auga, ducha, cociña, camas, váter... Papá Bolechas quenta leite para a merenda. Todos os irmáns van tomar galletas con leite, agás Tatá, que toma papa pois non ten dentes e Chispa, comida para cans. A estrada está chea de curvas. Alá van as galletas e a papa... Menos mal que Carlos para as cuncas co brazo.
Paran na gasolineira. Como mamá Bolechas está algo cansa, agora vai conducir o pai. Cando se está a pór o sol hai que buscar un lugar onde pasar a noite. Paran nunha área de descanso. É a hora de durmir. Carlos olla as estrelas pola xanela. Tatá e Sonia dormen na cama dos pais. Hai moitas máis caravanas... ¡Na caravana dos Bolechas hai luz! Habíase erguer algún para facer pis.